Web Oficial | SDVillestro.com

ROMARÍA DO DEPORTE

XXI EDICIÓN DA ROMARÍA DO DEPORTE

SÁBADO 17 DE XUÑO DE 2017

A S.D. Villestro xa está a organizar a XXI Edición da Romaría do Deporte, que se celebrará o sábado 17 de Xuño nos anexos do Campo de Fútbol da Barrosa.

Pouco a pouco iremos colgando novidades sobre esta edición.

XA PODEDES DISFRUTAR DAS IMAXES DA ROMARÍA DO DEPORTE DESTE ANO Ó FINAL DA PÁXINA.

Cartel anunciador da Romaría do Deporte 2017.

Xa están preparadas as rifas que se entragarán ós rapaces/as do Club para costear a súa comida e cea, coa súa venda, o día da Romaría.

Entragaranse talobarios de 15 rifas e sortearase un vale de compra por valor de 250,00 € ó posuidor do boleto cuxas 4 ultimas cifras coincidan co 1º Premio da Lotería Nacional que se celebrará o sábado 1 de xullo de 2017. O gañador da rifa canxeará o vale de compra directamente na tenda de deportes AMESPORT 2011 (tenda oficial do Club).

Agradecemos a todos a colaboración para cos nenos/as e desexámosvos toda a sorte na compra!!!.

A Romaría nace no ano 1995 co afán de agradecer aos xogadores e pais do club SD Villestro o esforzo realizado durante toda a tempada, defendendo e animando ao equipo.

Para a realización da Romaría do Deporte é necesaria unha ampla infraestrutura humana e de medios, polo que dende a seu inicio se involucrou na organización da mesma aos distintos organismos da parroquia: A.VV. “A UNIÓN DE VILLESTRO”, C.E.I.P. de Roxos, Asociación Xuvenil GUXUVI, APA do C.E.I.P. de Roxos, e o club Veteranos Villestro.

Actualmente está organizada de forma exclusiva pola Sociedade Deportiva Villestro coa colaboración de máis de 40 voluntarios que, dunha forma ou outra, estiveron ou seguen a estar vinculados ó Club.

A Romaría do Deporte supón hoxe en día un importante evento social para a parroquia de Villestro, xuntándose na a súa celebración a clase política e deportiva do Concello de Santiago, así como os veciños de Villestro e, como non os rapaces e rapazas, adestradores, socios e familiares que conforman a Sociedade Deportiva Villestro.

Xogos tradicionais, hinchabeis e deporte, moito deporte durante todo o día, xantar, cea, música..., e moita música toda a xornada e remate de festa con verbena ata que o corpo aguante.

Se nunca estiveches na Romaría do Deporte, tes que achegarte nunha edición e vivila... Repetirás!!!

Para a vindeira edición da Romaría do Deporte, incorporarase máis información en este apartado en datas máis próximas.