Inicio

Elija la categoría:

Categoria: Xeral

RODRI FAI O SEU DEBUT NA 2ª DIVISIÓN B CO C.D. BOIRO

O domingo 15 de xaneiro do 2016 foi un día de especial ledicia para a familia da S.D. Villestro polo debut de Rodrigo Iglesias Mosquera "RODRI" na 2ª División "B" co C.D. Boiro. Rodri comezou a súa andaina futbolística na S.D. Villestro. En idade alevín pasaría a formar parte da base do R.C. Deportivo onde continuaría a súa etapa de formaciín ata acadar a categoría sénior, debutándo en 3ª División co R.C. Deportivo da Coruña "B". Logo recalaría no Boiro, medita tempada no Ribadumia para volver ás filas do C.D. Boiro co que acadaría o título de Liga de 3ª División e o histórico ascenso a 2ª División "B" para o equipo do Barbanza. Este domingo 15 de xaneiro de 2017 debutou, tendo que substituir ó porteiro titular por unha lesión, e a súa actuación foi determinante nos minutos finais do encontro, axundando a conseguir a victoria para os seus. Parabéns Rodri!!! A seguir así!!! Sabemos ata onde podes chegar..., e sabemos que o vas conseguir...!!! Sorte!!!

Descarga: RODRI.jpg

Publicado: 2017-01-19 visto: 1 veces

Categoria: Xeral

O CONCELLO DE SANTIAGO IMPIDE A S.D. VILLESTRO ADESTRAR EN NADAL

A S.D. Villestro amosa o seu malestar pola discriminación e dobre vara de medir que presenta o Concello de Santiago, ó negarlle ó equipo sénior masculino o uso das instalacións da Barrosa para o reinicio dos adestramentos. Neste contexto, tanto os rapaces do equipo Sénior como o corpo técnico tiveron que desprazarse ata Cacheiras un día, e outro ata Brión grazas á xenerosidade dos Clubs S.D. CACHEIRAS e S.D. LUAÑA, que xenerosamente cederon as súas instalacións para que os nosos xogadores puideran adestrar, disputando un partido contra estes equipos. GRAZAS AMIGOS!!. Dende estas liñas, o Club quere expresar o seu malestar polo que xa ven sendo habitual en datas de Nadal por parte do Concello de Santiago en pechar as instalacións deportivas, cando o parón da competición é como máximo de dúas semanas, obrigando ós Clubs a parar unicamente unha soa para poder retomar de novo os adestramentos de cara o ano novo. Unha vez máis á S.D. Villestro se lle nega o uso das instalacións, a outros equipos non, sen buscar alternativa. Unha vez máis a S.D. Villestro se ten que buscar a vida para que os seus xogadores se poidan adestrar, eso si, fora do Concello. Unha vez máis, á clase política é funcionaria responsable lle importa o máis mínimo deporte de base. Señores do Concello de Santiago, nas datas de Nadal todas as instalacións deportivas municipais dos concellos veciños están abertas para uso e disfrute dos seus veciños, Clubs e Asociacións, agás as de Compostela. Alguén terá que empezar a plantexarse que as cousas se están facendo mal!!. Lamentable!!

Descarga: 1483051840-CARTA DE QUEIXA DO CLUB.pdf

Publicado: 2016-12-29 visto: 1 veces

Categoria: Xeral

A S.D. VILLESTRO CESA Ó ADESTRADOR DO EQUIPO DE 1ª AUTONÓMICA

A xeira de malos resultados levou á destitución por parte da Xunta Directiva do adestrador do 1ª equipo D. Julio Martínez Casal, así como o do seu colaborador D. Pablo Dono Pérez. En prol de dar un xiro á situación do equipo sénior masculino (derradeiro clasificado do grupo 2º da 1ª Autonómica), a S.D. Villestro tomou a dura, dolorosa e, probablemente, inxusta decisión de cesar das súas funcións ó adestrador e colaborador do equipo sénior masculino. Dende o Club agradecemos todo o seu esforzo e dedicación e desexan a ambos os dous os mellores éxitos personais, profesionais e deportivos de aquí en diante, coa certeza de que chegarán. As portas desta Entidade permanecerán abertas para eles. De maneira momentánea, farase cargo do equipo Sénior masculino D. Juán Jesús Fuentes Fernández, que ata o momento viña desenrolando as tarefas de adestrador do equipo xuvenil.

Descarga: 1481754297-DESTITUCIÓN ADRESTRADOR.pdf

Publicado: 2016-12-14 visto: 1 veces

Categoria: Xeral

II ENCONTRO BENÉFICO S.D. VILLESTRO

O vindeiro día 17 de decembro, a S.D. Villestro organizará un encontro benéfico afín de recoller alimentos. Todos os produtos recollidos, a ser posible que sexan non perecedeiros, irán destinados ó Banco de Alimentos de Santiago de Compostela. O rival para este encontro será o R.C. Deportivo da Coruña Feminino, que milita na 2ª División de Fútbol Nacional, e que se enfrontará a partires das 16:00 h. á S.D. Villestro Feminino. Dende o Club queremos animar a todos os pais e nais dos xogadores, socios/as, adestradores/as, veciños/as, simpatizantes, patrocinadores, Autoridades, e Clubs da Delegación de Fútbol de Santiago a participar no evento e aportar o seu pequeno grao de area. Grao a grao podemos chegar a facer unha montaña de alimentos e axudar así ás familias que máis o necesitan!!. Agardámosvos o vindeiro día en Villestro a partires das 16:00 h. no partido máis importante do ano, nun encontros no que aínda que so participan 2 equipos, xogamos TODOS!!!.

Descarga: II_PARTIDO_SOLIDARIO_CURVAS.pdf

Publicado: 2016-12-01 visto: 1 veces

Categoria: Xeral

CEA ESPECIAL DE NADAL DA S.D. VILLESTRO

Un ano máis a S.D. Villestro está a prepara a súa tradicional Cea de Nadal. En esta ocasión celebrararase o MÉRCORES 7 DE DECEMBRO a partires da 21 h, no Restaurante Monte da Condesa no Campus Sur, en Compostela. A data límite para anotarse remata o 2 de novembro. Podedes descargar a folla de inscripción na web e presentala cuberta nas oficinas do Club os dias martes 29 de novembro, xoves 1 e venres 2 de decembro, en horario de 19:00 a 21:00. Como sempre, haberá sorteo de agasallos para os máis pequenos, e para os maiores, e festa a cargo dun DJ ó remate. Viste o Nadal de azul...!!!. Celebra o Nadal con nós!!!. Goza do Nadal do Villestro!!!. Agardámoste!!

Descarga: CEA NADAL folla inscricion 2016.pdf

Publicado: 2016-11-28 visto: 1 veces

Categoria: Xeral

O CONCELLO DE SANTIAGO CONCÉDELLE Á SUBVENCIÓN Á S.D. VILLESTRO

O mércores 27 de xullo saíron publicadas no BOP da Coruña as bases da convocatoria de subvencións destinadas ao fomento do deporte federado para o ano 2016. A Sociedade Deportiva Villestro presentou a súa solicitude como cada ano. Revisada e resolta a solicitude presentada por esta entidade, o CONCELLO DE SANTIAGO CONCEDEU Á SOCIEDADE DEPORTIVA VILLESTRO A CANTIDADE DE 10.445,97 € para o fomento do deporte federado durante o ano 2016. Seguindo as bases de dita convocatoria, e cinguíndose ó punto 4 apartado h: "- Os beneficiarios deberán (...), de dar a adecuada publicidade do carácter público da financiación da actividade obxecto da subvención, quedando obrigados a informar da axuda concedida polo Concello de Santiago entre todos os membros da súa Entidade, así como, a través da web do club se existe", o Club fai o conseguinte anuncio co fin de informar da súa concesión e da entidade adxudicadora.

Descarga: SAN_CONCELLO.jpg

Publicado: 2016-11-21 visto: 1 veces

Categoria: Xeral

A DEPUTACIÓN DA CORUÑA CONCEDE UNHA SUBVENCIÓN Á S.D. VILLESTRO

A comezos do 2016 a Sociedade Deportiva Villestro presentou a súa solicitude á Convocatoria do programa de subvencións a clubs deportivos, sen ánimo de lucro, que participen en competición federada de ámbito inferior a nacional, durante o ano 2016, da Deputación Provincial da Coruña. Revisada a solicitude, A DEPUTACIÓN DA CORUÑA CONCEDEU UNHA SUBVENCIÓN DE 4.188,00 € á Sociedade Deportiva Villestro para a axuda na participación en competicións oficiais federadas. Seguindo o establecido na convocatoria, na base 6, apartado "Obrigas das entidades beneficiarias", punto 6.7, "-Faceren constar a colaboración da Deputación da Coruña en toda a información (impresa, informática ou audiovisual) que fixeren das actividades ou investimentos subvencionados, así como na súa páxina web.", o Club comunica e fai saber da colaboración da Deputación da Coruña no desenvolvemento das actividades da Sociedade Deportiva Villestro.

Descarga: 1479769062-DEPUTACION DA CORUÑA.jpg

Publicado: 2016-11-21 visto: 1 veces

Categoria: Xeral

NÚMERO SORTEO ESPECIAL LOTERÍA DE NADAL

Xa podedes facervos co número que a S.D. Villestro adquiríu para o sorteo especial de Nadal que todos os anos se celebra o 22 de decembro. Este ano o Club xogará o número 97953 fragmentado en participacións de 5,00 € sen recargo. Todos os que desexen facerse co número do Club só tedes que dirixirvos ben a calquera dos Directivos da entidade, ben no servizo de bar do campo de fútbol o día de partidos, ou ben en calquera dos establecementos hosteleiros da parroquia. Non dubidedes en mercalo...!!! ...e se toca!!!!!

Descarga: LOTERIANADAL2016.jpg

Publicado: 2016-11-20 visto: 1 veces

Categoria: Xeral

VISITA SORPRESA DE ÁLVARO LEMOS Á BASE DO VILLESTRO

No día de hoxe, 10/11/2016, o campo de fútbol da Barrosa recibiu a visita sorpresa do xogador do R.C. Celta de Vigo, Álvaro Lemos. Álvaro, veciño da parroquia e que comezou a súa carreira futbolística na S.D. Villestro, non perde ocasión de visitar ó que foi o seu equipo sempre e cando o calendario llo permite. No día de hoxe fixo as ledicias dos rapaces Alevíns e Benxamíns que nese intre se atopaban cos seus adestramentos. Compartiu momentos e experinecias con eles, e contestou as súas preguntas (algunha que outra máis que comprometida). Sen dúbida, xestos como estes son os que fan aínda máis grandes ós futbolistas profesionais. Chegar a donde chegaron sen esquecer as súas raices. Grazas Álvaro por esta sorpresa!!!

Descarga: visitaalvarito1.jpg

Publicado: 2016-11-10 visto: 1 veces

Categoria: Xeral

COMEZARON OS ADESTRAMENTOS DE FÚTBOL SALA PARA OS MÁIS PEQUENOS

O pasado día 23 de setembro deron comezo os adestramentos de fútbol sala no que se integrarán as idades máis pequenas (a partires de 3 anos), nas categorías de Biberón, Prebenxamín 1º Ano, Prebenxamín 2º Ano e Benxamín. Gustache o fútbol e queres facer máis amigos?, ven a divertirte con nós!!! Se queredes saber máis, podedes porvos en contacto con nós, onde recibiredes cumprida información. Anímate e divírtete!!! SOMOS AZUIS..., SOMOS DO VILLESTRO!!!!

Descarga: PARAWEB01.gif

Publicado: 2016-10-09 visto: 1 veces

Categoria: Xeral

HORARIO DE ADESTRAMENTOS NAS MODALIDADES DE FÚTBOL E FÚTBOL-8

Unha vez comezados os adestramentos de todas as categorías, deixámosvos a taboa de adestrementos de todos os equipos dos que dispón a Sociedade Deportiva Villestro, na que poderedes ver día e hora dos adestramentos dos xogadores/as. Por categorías, sería da seguinte maneira: - Sénior Masculino: Martes e Xoves de 21:00 a 22:30; e Venres de 21:00 a 22:15. - Sénior Feminino: Martes e Venres de 19:30 a 21:00. - Xuvenil: Martes e Xoves de 21:00 a 22:30; e Venres de 21:00 a 22:15 - Cadete: Martes e Venres de 19:30 a 21:00. - Infantil "A" e "B": Luns e Xoves de 19:30 a 21:00 h. - Alevín "A" e "D": Martes e Xoves de 18:00 a 19:30. - Alevín "B" e "C": Mércore de 17:45 a 19:00; e Venres de 18:00 a 19:30. - Benxamín "A" e "C": Martes e Venres de 18:00 a 19:30. - Benxamín "B": Luns de 17:45 a 19:15; e Xoves de 18:00 a 19:30. - Benxamín "D": Luns de 17:45 a 19:15; e Mércores de 17:45 a 19:00. - Prebenxamín "A": Luns de 17:45 a 19:15; e Xoves de 18:00 a 19:30. - Prebenxamín "B": Luns de 17:45 a 19:15; Mércores de 17:45 a 19:00. - Adestramentos específico para porteiros: O Xoves de 17:45 a 19:30.

Descarga: TABOA_ADESTRAMENTOS.jpg

Publicado: 2016-10-09 visto: 1 veces

Sociedade Deportiva Villestro

  • Dirección: Rúa Tras Igrexa nº18
    Santiago de Compostela 15896
  • E-mail: sdvillestro@yahoo.es
  • Website: www.sdvillestro.com
  • Móvil: 696173726
  • Fax: 981537818 (CSC Villestro)

Colaboradores

Patrocinadores